నమ్మకం మనిషిని ఎంతవరకైనా తీసుకెళ్తుంది. తాను నమ్మిన విషయం సరైంది అని భావిస్తే సదరు వ్యక్తి దాని కోసం ఎన్ని సంవత్సరాలైన వేచి చూసేందుకు వెనకాడడు. ఆ నమ్మకమే నిజమై తన కళ్ల ముందు కనిపిస్తే అంతకు మించిన ఆనందం ఇంకొకటి ఉండదు. సాధారణంగా మనం భవిష్యత్‌లో ఏం చేయాలి అనే విషయంపై కొందరికి పూర్తి క్లారిటీ ఉంటుంది. తోటి వాళ్లను గమినిస్తూ కూడా కొందరు వారి భవిష్యత్‌ను అంచనా వేస్తుంటారు. అది కొన్నిసార్లు నిజం కావచ్చు.. లేదా తప్పు అని తేలవచ్చు.ఇప్పుడు మనం చెప్పుకోబోయే విషయం మొదటి క్యాటగిరీకీ చెందింది. యెస్.. 11 ఏళ్ల వయసున్న బాలుడ్ని చూసిన ఓ వ్యక్తి ఆ పిల్లాడు భవిష్యత్‌లో అంతర్జాతీయ జట్టుకు ఆడతాడని నమ్మాడు. నమ్మడమే కాదు అతనిపై పందెం కూడా వేశాడు. ఇప్పుడు అతను పందెం గెలిచాడు.11 ఏళ్ల బాలుడు జోష్ టంగ్ కాగా.. పందెం కాసిన వ్యక్తి అతని కుటుంబ స్నేహితుడు టిమ్ పైపర్. ఈ ఘటన ఇంగ్లాండ్‌లో జరిగింది

అసలేం జరిగింది..
ఫిల్, టిమ్ పైపర్ ఇద్దరు మంచి స్నేహితులు. పిల్ కుమారుడి పేరు జోష్ టంగ్. చిన్ననాటి నుండే టంగ్ క్రికెట్ ఆడటాన్ని టిమ్ పైపర్ దగ్గరుండి గమనించాడు. అప్పుడే అతనికి టంగ్ ఎప్పటికైన ఇంగ్లాండ్ క్రికెట్ జట్టుకు ఆడతాడని నమ్మకం కలిగిందే. అదే నమ్మకంతో టిమ్ పైపర్ 14 ఏళ్ల క్రితం పందెం కాశాడు. సుమారు 50 వేల పౌండ్లు(రూ.51.52 లక్షలు)తో పందెం వేశాడు. దాని తాలుకూ రశీదను భద్రంగా దాచుకున్నాడు.

ఇంగ్లాండ్ టీమ్‌లోకి టంగ్ ఆరంగేట్రం..
ప్రస్తుతం ఇంగ్లాండ్ టీం.. ఐర్లాండ్‌తో ఏకైక టెస్టు మ్యాచ్ సిరీస్ ఆడుతోంది. జూన్ 1న ఈ మ్యాచు ప్రారంభమైంది. అయితే ఈ మ్యాచు ద్వారా జోష్ టంగ్.. ఇంగ్లాండ్ తరఫన ఆరంగేట్రం చేశాడు. దిగ్గజ బౌలర్ జేమ్స్ అండర్సన్ నుండి క్యాప్ అందుకొని.. ఇంగ్లాండ్ 711వ ప్లేయర్‌గా అంతర్జాతీయ క్రికెట్‌లోకి ఎంట్రీ ఇచ్చాడు. కుటుంబ సభ్యుల సమక్షంలో క్యాప్‌ను అందుకున్నాడు. ఈ మ్యాచులో తొలి ఇన్నింగ్స్‌లో 8 ఓవర్లు బౌలింగ్ చేసిన టంగ్.. 3 వికెట్లు పడగొట్టాడు.తన మిత్రుడొకరు ఫోన్ చేసి చెప్పడం ద్వారా టంగ్ ఇంగ్లాండ్ తరఫున ఆడుతున్న విషయం తెలిసిందని టిమ్ పైపర్ తెలిపాడు. వెంటనే తాను దాచిన రశీదును బయటకు తీశానని చెప్పాడు. ఆ రశీదు గత 14 ఏళ్లుగా భద్రంగా ఉందని వివరించాడు. తాను 50 వేల పౌండ్లు(రూ.52.52 లక్షలు) గెలవడం కంటే కూడా.. జోష్ టంగ్ ఆరంగేట్రం చేయడం సంతోషంగా ఉందని పైపర్ చెప్పుకొచ్చాడు. టంగ్‌ను క్రికెటర్ చేయడం కోసం అతని తల్లిదండ్రులు పడ్డ కష్టం తనకు తెలుసన్నాడు. తాను బెట్టింగ్ వేసిన విషయం టంగ్‌కు కూడా తెలిసని పైపర్ వివరించాడు.