పంజా వైష్ణవ్ తేజ్ (Panja Vaisshnav Tej), శ్రీలీల (Sreeleela) జంటగా.. పూర్తి ఫ్యామిలీ మరియు యాక్షన్ ఎంటర్‌టైనర్‌గా రూపొందుతోన్న చిత్రం ‘ఆదికేశవ’ (Aadikeshava). టాలీవుడ్ అగ్రగామి సంస్థ సితార ఎంటర్‌టైన్‌మెంట్స్ నిర్మిస్తోంది. ఈ సినిమాతో పంజా వైష్ణవ్ తేజ్‌ మొదటిసారి యాక్షన్ ఫిల్మ్‌లో నటిస్తుండటం విశేషం. ఇటీవల ‘మ్యాడ్’ (Mad)తో బ్లాక్ బస్టర్ అందుకున్న సితార.. దీపావళికి ఆదికేశవతో ఆ విజయపరంపరను కొనసాగించాలని చూస్తోంది. సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. ఆదికేశవ చిత్రాన్ని శ్రీకర స్టూడియోస్ సమర్పిస్తోంది. శ్రీకాంత్ ఎన్ రెడ్డి ఈ సినిమాతో దర్శకుడిగా పరిచయం అవుతున్నారు. తాజాగా ఈ సినిమా నుంచి ‘హే బుజ్జి బంగారం’ (Hey Bujji Bangaram) అనే మెలోడీని చిత్రయూనిట్ విడుదల చేసింది.
జి.వి. ప్రకాష్ కుమార్ సంగీతం అందిస్తున్న ఈ సినిమా నుంచి ఇప్పటికే విడుదలైన ‘సిత్తరాల సిత్రావతి’ అనే పాట మంచి స్పందనను రాబట్టుకున్న విషయం తెలిసిందే. ఆ పాటలో శ్రీలీల, పంజా వైష్ణవ్ తేజ్ డ్యాన్స్ మూమెంట్స్ అందరినీ అలరించాయి. ఇప్పుడు విడుదలైన ‘హే బుజ్జి బంగారం’ పాట అబ్బాయి ప్రేమను తెలుపుతూ సాగింది. ముఖ్యంగా మంచి సాహిత్యం ఈ పాటకు కుదిరింది. ఈ సంవత్సరం ప్రతి రొమాంటిక్ ప్లే లిస్టులో ఈ పాటను భాగం చేసేలా సరస్వతీపుత్ర రామజోగయ్య శాస్త్రి ఎంతో అర్థవంతమైన, అద్భుతమైన సాహిత్యాన్ని ఈ పాటకు అందించారు. జి.వి.ప్రకాష్ సంగీతం ఈ రొమాంటిక్ పాటకి ఓ కొత్త అనుభూతిని జోడించింది. అర్మాన్ మాలిక్, యామిని ఘంటసాల ఈ పాటను ఆలపించారు. శ్రీలీల, వైష్ణవ్ తేజ్‌ల మధ్య కెమిస్ట్రీ చక్కగా కుదిరింది. మరోసారి ఇద్దరూ డ్యాన్స్ మూమెంట్స్‌ని ఇరగేశారు. ప్రస్తుతం ఈ సాంగ్ యూట్యూబ్‌లో టాప్‌లో ట్రెండ్ అవుతోంది. (Hey Bujji Bangaram Song From Aadikeshava Out)

‘ఆదికేశవ’ (Aadikeshava Movie) టీమ్ ఈ చిత్ర విజయం పట్ల చాలా నమ్మకంగా ఉంది. పాటలు, టీజర్‌ల ద్వారా ప్రేక్షకులలో ఏర్పడిన అంచనాలు, ఆసక్తి ఈ చిత్రానికి ఘన విజయాన్ని అందిస్తాయని చిత్ర బృందం ఆశిస్తోంది. జోజు జార్జ్, అపర్ణా దాస్ ఈ సినిమాతో తెలుగు సినీ రంగ ప్రవేశం చేస్తున్నారు. నవీన్ నూలి ఈ చిత్రానికి ఎడిటర్‌గా వ్యవహరిస్తున్నారు. ఈ సినిమాని నవంబర్ 10న ప్రపంచ వ్యాప్తంగా గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నారు.