హైదరాబాద్‌ నగరంలో ట్రాఫిక్‌ నానాటికీ పెరిగిపోతుంది. వాహనాల నుంచి వచ్చే కాలుష్యం కారణంగా వాతావరణం తీవ్రంగా దెబ్బతింటోంది. వాయు, శబ్ధ కాలుష్యాలు ప్రజల ఆరోగ్యంపై తీవ్ర ప్రభావం చూపుతున్నాయి. ఈ నేపథ్యంలో నాన్‌` మోటరైజ్డ్‌ ట్రాన్స్‌పోర్ట్‌ ని ప్రోత్సహించే ప్రయత్నాల్లో భాగంగా గ్రేటర్‌ హైదరాబాద్‌ మున్సిపల్‌ కార్పొరేషన్‌ నగరంలోని వివిధ ప్రాంతాల్లో సైకిల్‌ ట్రాక్‌లను ప్రతిపాదించింది.వీటిలో మూడు ట్రాక్‌లు ఈ ఏడాది సెప్టెంబరు నాటికి అందుబాటులోకి రానున్నాయి. మరో మూడు ట్రాక్‌లు నవంబర్‌ నాటికి సైక్లిస్ట్‌లకు అందుబాటులోకి వస్తాయని జీహెచ్‌ఎంసీ అధికారులు తెలిపారు. ఇందులో నర్సాపూర్‌ క్రాస్‌రోడ్స్‌` బాలానగర్‌ జంక్షన్‌ `జేఎన్‌టీయూ`హైదర్‌నగర్‌ వరకు ఒకటి.. ఐడీఎల్‌ లేక్‌` ఎన్‌హెచ్‌ 65` జేఎన్‌టీయూ ` మూసాపేట్‌ విూదుగా రెయిన్‌బో విస్టా` ఐడీఎల్‌ లేక్‌ వరకు మరొకటి, ఐడీఎల్‌ జంక్షన్‌ నుంచి జేఎన్‌టీయూ జంక్షన్‌ వరకు మూడో ట్రాక్‌ను అందుబాటులోకి తేనున్నారు.ఇవే కాకుండా తార్నాక నుంచి మెట్టుగూడ మెట్రో స్టేషన్‌ వరకు రోడ్డుకు ఇరువైపులా సైకిల్‌ ట్రాక్‌ను అభివృద్ధి చేయనున్నారు. నగరంలోని పశ్చిమ భాగంలో బయో డైవర్సిటీ జంక్షన్‌ నుండి లెదర్‌ పార్క్‌ వరకు ఒక ట్రాక్‌, రోలింగ్‌ హిల్స్‌ నుండి ంఎఉ హాస్పిటల్స్‌ వరకు మరొక ట్రాక్‌ను అభివృద్ధి చేస్తున్నారు. నవంబరు నాటికి ఈ ట్రాక్‌లు కూడా సైక్లిస్టులకు అందుబాటులోకి రానున్నట్లు అధికారులు తెలిపారు.జీహెచ్‌ఎంసీనే కాకుండా హెచ్‌ఎండీఏ సైతం సైకిల్‌ ట్రాక్‌లను అభివృద్ధి చేస్తోంది. ఖాజాగూడ క్రాస్‌రోడ్డు నుంచి నానక్‌రామ్‌గూడ రోటరీ వరకు హెచ్‌ఎండీఏ ఓ సైకిల్‌ ట్రాక్‌ను నిర్మించింది. ఈ సైకిల్‌ ట్రాక్‌లను ట్రాఫిక్‌ నుంచి వేరు చేసి ప్రత్యేకంగా ఏర్పాటు చేస్తున్నారు. సైకిల్‌ ట్రాక్‌లకు ఇరువైపులా.. కాంక్రీట్‌ దిమ్మలను (బొల్లార్డ్స్‌) నిర్మించనున్నారు. ఇతర వాహనాలు సైకిల్‌ ట్రాక్‌లలోకి రాకుండా సైక్లిస్టులు సాఫీగా వెళ్లేందుకు ఈ ఏర్పాట్లు చేస్తు?న్నారు.