Ram Gopal Varma సోషల్ మీడియాలో రామ్ గోపాల్ వర్మ, పూనమ్ కౌర్, పవన్ కళ్యాణ్ ఫ్యాన్స్ మధ్య ఎప్పుడూ కోల్డ్ వార్ జరుగుతూనే ఉంటుంది. వర్మ తనకు టైం దొరికినప్పుడల్లా పవన్ కళ్యాణ్ మీద సెటైరికల్ ట్వీట్లు వేస్తూనే ఉంటాడు. దీంతో వర్మ మీద అభిమానులు మండి పడుతుంటారు. ఇక పవన్ కళ్యాణ్ మీద వర్మ తీసిన స్పూప్ సినిమాతో వర్మ మీద దారుణమైన ట్రోలింగ్ జరిగిన సంగతి తెలిసిందే. తాజాగా పూనమ్ కౌర్ వేసిన ట్వీట్‌కు వర్మ రిప్లై ఇవ్వడంతో అభిమానులను గెలికినట్టు అయింది.ప్రస్తుతం పవన్ కళ్యాణ్ బ్రో సినిమా వివాదం తారాస్థాయికి చేరింది. బ్రో సినిమాలో అంబటి రాంబాబుని ఇమిటేట్ చేస్తూ కమెడియన్ పృథ్వీ వేసిన డ్యాన్స్ వైరల్ అయింది. చివరకు ఆ స్పూప్ కామెడీ మీద మంత్రి అంబటి రాంబాబు స్పందించాడు. చిన్నగా టాలీవుడ్‌కు వార్నింగ్ ఇచ్చాడు. ఇలాంటివి ఇంకో సారి చేస్తే మూల్యం చెల్లించుకోవాల్సి ఉంటుందని సూచించాడు. బ్రో లెక్కలన్నీ బయటపెడుతూ ప్రెస్ మీట్ పెట్టాడు. రెమ్యూనరేషన్లు, బాక్సాఫీస్ లెక్కలు చెబుతూ బ్రో డిజాస్టర్ అని చెప్పుకొచ్చాడు.అంబటి రాంబాబు వ్యాఖ్యల మీద నిర్మాత టీజీ విశ్వ ప్రసాద్ మాట్లాడాడు. అవన్నీ గాలి మాటలే అన్నట్టుగా కొట్టి పారేశాడు. అయితే ఈ తతంగం మీదనే పూనమ్ కౌర్ కౌంటర్లు వేసినట్టుగా అనిపించింది. ఈ మధ్య రాజకీయాలు ఎంటర్టైన్మెంట్‌గా మారాయి అని.. సినిమాలు సీరియస్‌గా మారాయి అని చెప్పుకొచ్చింది. ఈ ట్వీట్ మీద తాజాగా వర్మ స్పందించింది. అవును సిస్టర్.. పాలిటిక్స్ అనేది సినిమాలా మారింది.. సినిమా అనేది పొలిటికల్‌గా మారింది అంటూ చెప్పుకొచ్చాడు.

వీరి ట్వీట్ల మీద పవన్ కళ్యాణ్ ఫ్యాన్స్ మండి పడుతున్నారు. ఇద్దరూ మేధావులు మాట్లాదుకుంటూన్నారు.. చూడండి రొయ్ అంటూ సెటైర్లు వేస్తున్నారు. మొత్తానికి పూనమ్ నిన్న మంట పెడితే.. ఈ రోజు వర్మ ఇలా రిప్లై ఇస్తూ అగ్గి రాజేసినట్టు అయింది.